عندك نكتة سياسيه ادخل متخافش

اظن الكل شايف الحال وصل بينا لحد فين

وانا مش عارف احنا نضحك ولا نبكى ولا نعمل ايه بالظبط

لكن الكل عارف اننا شعب ابن نكته

يعنى كل ما ضاقت كل ما طلعنا همنا فى شويه نكت

مش احسن ما نموت من الغيظ

ولا ايه

الموضوع المرة دة هيبقى للاعضاء

كل واحد عنده نكته سياسه يتفضل يقول

والى مش عايز او خايف براحته

لكن هنسكت ليه بقى

احنا خلاص زهقنا

يلا عايزين نشوف المشاركات الجريئه

_________________

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

[size=12]كان بوش وبلير في مؤتمر صحفي..
فأعلن جورج بوش قرارا بقتل 20 مليون مسلم.. ودكتور سنان واحد...
الصحفيين سألو اشمعنا يعني دكتور سنان واحد؟؟

اتطلع بوش في توني بلير.. وهمس في اذنه :
مش قلتلك ما حد رح يهتم بالـ 20 مليون مسلم

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت

مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم

فى حوار بين مسئول امريكى ومسئول عربى
المسئول الامريكى :-
احنا فى اميركا بندى المواطن 10 الاف دولار فى الشهر كحد ادنى
وبناخد منه 500 دولار ضرائب وفواتير كهرباء وميه وخلافه
ومابنسألوش بيودى الباقى فين
رد عليه المسئول العربى
احنا بقى احسن منكم
احنا بندى للمواطن 200 دولار فى الشهر
وبناخد منه 500 دولار ضرائب وفواتير
ومابنسألوش بيجيب الباقى منين

مرة
واحدة ست خلفت اتنين توأم سمت واحد منهم بوش والتانى بن لادن كانو شبه بعض
لدرجه ان ما فيش حد يقدر يفرقهم من بعض واحدة جارتها سالتها امال انتى
بتعرفيهم من بعض ازاى ردت عليها وقالت لها سهله جدا انا كل ما انادى على
بن لادن الاقى بوش عملها على نفسه هههههههههههه

إبليس
راح يزور شارون وهو مريض ، شارون فرح قوى لما شاف إبليس وبدأ يفوق من
الغيبوبه ... إبليس نظر إليه وقاله ... وحياة أبوك إوعي تموت لإن شياطينى
حالفه تسلم وتسيب جهنم لو إنك دخلتها

(بليز بقي محدش يزعل من النكته دي اوك)
كلب اسرائيلي و فرخة مصرية اتقابلوا على الحدود فالكلب استغرب من الفرخة إللي سايبه مصر ورايحه اسرائيل فسألها ....
و انتي سايبه مصر ليه يا آنسة و رايحة اسرائيل ؟؟؟!!!
فقالت
: والله فمصر مبيعرفوش يعاملوا آنسات الفراخ اللي زيي و بيحرقوهم في الترع
عشان خايفين من انفلونزا الطيور ... قلت اروح اسرائيل المعاملة هناك أحسن
..." بيعرفوا يتعاملوا مع الليدز " ....
...و أنت يا كلب رايح مصر ليه و سايب اسرائيل ؟!!!!!!!!
رد عليها وقال : و الله يا آنسة سمعت إن الناس في مصر بتتعامل معاملة الكلاب
فقلت أروح اعيش معاهم .....

بيقولك عبد الناصر و السلال و كاسترو عملو وحدة و سموها :
مصر يمن كوبا .. ( مصر يا منكوبة) ..
*(رجال الامن)
متقولش إديتنا إيه مصر ,, قول هنِرْعِب مين في مصر
*(رجال الاعمال)
متقولش إديتنا إيه مصر ،، قول هنسرق إيه من مصر
*(رجال السياسة)
متقولش إديتنا إيه مصر ،، قول هنسكِّت مين في مصر
*(شباب مصر)
متقولش إديتنا إيه مصر ،، قول هنروح فين في مصر00

في احدى الدول قام الرئيس بالقاء خطاب على
الجمهور فوقف فرد من الشعب وقال له يا سيادة
الرئيس عندي مشكلة، فقال له : اتصل على
الرقم المجاني

كان الرئيس يسافر في
طائرة، فنظر من النافذة وقال لحاشيته: لو رميت
100
دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح
بيها
قاله : و لو رميت ألف دولار من الطيارة ... يحصل
إيه ؟
رد واحد تاني و قاله : حيلاقيها مجموعة من
الشعب و يفرح بيها
قام واحد ثالث قاله : و لو رميت نفسك من الطيارة
كل الشعب حيفرح هههههههههههههههههههههههههههههه[/size]
_________________

سورى ع الخط الصغير فى المشاركه الاولى
_________________

ههههههههه لا تمام كدة حلوة اوى النكت دى شكرا يا احمد عالموضوع
_________________

شكرااااااااااااااا ع الرد الجميل
_________________

تم التعديل ع المشاركه الاوله
شكرا ع الموضوع والنكت جميله
وشكلك كده هتحبسنى يا احمد

_________________

لا تنسى دعوه اصدقائك لزياره منتدانا اصحاب فور يو
الاميل للمساعده والاستفسار والطلابات
As7ap4ever@yahoo.com

هههههههههههههههههه لا متخفش لو اتحبست مش هتتحبس لوحدك انا معاك
شكرا ع الرد الجميل وتعديل المشاركه
_________________